Маңғыстау индустриалды техникалық колледжі

О. Тұрмағанбетұлы атындағы Маңғыстау инустриалды техникалық колледжi

О.Тұрмағанбетұлы атындағы Маңғыстау индустриалды техникалық колледжi 16.03.1985ж. Гурьев политехникалық техникумының филиалы негiзiнде құрылған.

Қазақстан Республикасы Президентінің 1991жылғы тамыздың 31-iндегі қаулысы негізінде Жаңаөзен мұнай техникумы; кейіннен Қазақстан Республикасының Бiлiм министрлiгiнiң 11.12.1995 жылғы №132 бұйрығы бойынша Жаңаөзен мұнай және газ колледжi; ҚР Үкiметiнiң 21.04.1999 жылғы №441 қаулысы негiзiнде Жаңаөзен мұнай және газ колледжiне Оразмағанбет Тұрмағанбетұлының есімі берiлген.

Бүгінде О.Тұрмағанбетұлы атындағы Маңғыстау индустриалды техникалық колледжі 27жылдық тарихы бар облысымыздағы 19 мамандық бойынша орта буын мамандарын дайындайтын, материалдық – техникалық базасы қамтылған, қазіргі заманға лайықты оқу орны.

Колледждің негізгі бағыты - Қазақстан Республикасының мемлекеттік жалпыға міндетті білім беру стандартына сәйкес, білім алу қажеттілігін қанағаттандыру мақсатында мұнай-химиялық, мұнай – газ өңдеу өндірістері, құрылыс, қызмет көрсету, темір жол, энергетика мамандарын дайындау болып табылады.

Колледжі базасында 2000 жылдың 14 сәуіріндегі Қазақстан Республикасы Білім және ғылым Министрлігінің №334 бұйрығымен бекітілген «Мұнайхимия өндірісі технологиясы», кейін 2007 жылдың 13 сәуіріндегі Қазақстан Республикасы Білім және ғылым Министрлігінің №191 бұйрығымен өзгертіліп бекітілген «Мұнай-газ ісі» мамандықтары бойынша Оқу-әдістемелік бірлестігінің шығармашылық тобы жұмыс жасайды.

Қазіргі таңдағы «Мұнай-газ ісі» мамандықтары бойынша Оқу-әдістемелік бірлестігінің жұмыс миссиясы: «Әлемдік білім беру кеңестігінде бәсекеге қабілетті және экономиканы индустриялық-инновациялық дамытудың қазіргі заманғы талаптарына жауап беретін, тиімділігі жоғары техникалық және кәсіптік білім берудің оқу-әдістемелік жұмыс жүйесін қалыптастыру».

Жоғарыда аталған «Мұнай-газ ісі» мамандықтары бойынша Оқу-әдістемелік бірлестігінің жұмыс миссиясын және колледждің әдістемелік қызметін іске асыру үшін алға қойылған негізгі мақсаттар:

Оқу орнын техникалық және кәсіптік білім берудің 2008-2011жылдардағы мемлекеттік жалпыға міндетті білім стандарттары талаптарына сай оқу-әдістемелік құжаттармен қамту;

Жаңа нормативті білім құжаты енгізілуіне байланысты, мұнай–газ ісі мамандықтарына типтік оқу жоспары мен білім беретін бағдарламаларын жасақтау (2011 жылғы 24 қазандағы ҚР «Білім» заңына енгізілген өзгерістер мен толықтыруларға байланысты Мемлекеттік жалпыға міндетті білім беру стандарты ТжКБ жүйесінде біріңғай болып, онда негізгі қалып айқындалады. Бізге белгілі жалпыға міндетті білім беру стандарты әр мамандыққа типтік оқу жоспарымен көрсетілген. Алдағы уақытта Жаңа нормативті білім құжаты енгізілуіне байланысты, «Типтік оқу жоспары мен білім беретін бағдарлама» әрбір мамандыққа жеке жасақталады.

«Типтік оқу жоспары мен білім беретін бағдарлама» 2013-2014 оқу жылынан бастап кезең-кезеңмен енгізіледі. Оған дейін әрбір мамандыққа жасалынған Мемлекеттік жалпыға міндетті білім беру стандарты қолданыста болып, өз күшін жоғалтпайды.);

Оқытуда ақпараттық технологияларды пайдалану, оқу процесіне оқу-әдістемелік және ғылыми жаңалықтарды енгізу яғни оқу үрдiсiнде, жалпы техникалық және арнайы пәндердi меңгерту мақсатында жаңа технологияны пайдалана бiлу, педагог кадрлардың әдістемелік-кәсіби деңгейін көтеру, студенттердiң бiлiмi мен бiлiктiлiк деңгейiн тәуелсіз бағалаудың түрлi әдiстерiн қолдану;

Дүние жүзілік білім кеңістігімен байланыста болу, яғни техникалық және кәсіптік білім беруге еуропалық жоғары білімнің кірігуін қамтамасыз ету, (оның негізі Қазақстанның 2010 жылы Еуропа Ынтымақтастығы мен Қауіпсіздігі Ұйымына басшылық жасауы Қазақстанның әлемдік білім кеңістігіне шығуына мүмкіндік беретін қосымша факт болып табылады деп Мемлекет басшысы Н.Ә.Назарбаевтың «Жаңа онжылдық - жаңа экономикалық өрлеу - Қазақстанның. жаңа мүмкіндіктері» атты 2010 жылғы 29 қаңтардағы Қазақстан халқына Жолдауында белгіленген міндеттерде атап көрсетілген).

Жоғары мамандандырылған және бәсекеге қабілетті маман даярлау ісіне жан-жақты жағдай жасау (Жұмыс берушілермен әлеуметтік серіктестік орнату, мамандарды дайындау мазмұнында жұмыс берушілердің талаптарын ескеру, жұмыс берушілердің талаптарына жауап беретін жаңа оқу бағдарламаларын жасау, бітірушілерді жұмысқа орналастыру мүмкіндіктерін кеңейту және оқытушыларын өндірістен тағылымдамадан өткізу);

Жоғарыда аталған колледжінің әдістемелік жұмыстарының миссиясын және мақсаттарын орындау үшін Оқу-әдістемелік процесін дұрыс ұйымдастыра білудің маңызы зор.

Ол үшін құрамы колледждің әдіскерлерінен, тәжірибелі оқытушыларынан, әр мамандық бойынша арнайы пәндер оқытушыларынан, ыңғайлас пәндер бойынша құрылған пән бірлестіктерінен тұратын әдістемелік кеңес құрылып, жұмыс жоспарланады.

Әлемдік деңгейдегі оқытудың озық технологияларын меңгерген инженер-педагог ұжымын, яғни оқытушылардың сапалық құрамын құру және оқушылардың өз “менін” қалыптастыру оқу-әдістемелік жұмыстың ең маңызды бағыты болып табылады.

Осы бағытты негізге ала отырып, жоспар бойынша оқытушыларды республикалық, өңіраралық, облыстық, оқу орны аралық курстарға жіберу және семинарға қатыстыру, біліктілік санатын көтеру мақсатында аттестациядан өткізу, озық педагогикалық тәжірибелерді зерттеу, тарату, тәлімгерлер және жас мамандар мектебі жұмыстарын бағалау, оқытушылардың оқу-әдістемелік жұмыстарын жинақтау, жариялау, ғылыми жұмыстармен айналысуларына мүмкіндік беру, оқушылардың ғылыми жобаларына басшылық жасау, Республикалық Оқу-әдістемелік орталығы ұсынған ғылыми жобаларға қатысу, тәжірибе алмасу мақсатына ҚР білім және ғылым министрлігі тарапынан ұйымдастырылған шетелге іссапарларға жіберу, т.б. жұмыстар колледжінің оқу-әдістемелік бөлімі арқылы іске асырылады.

Ол жұмыстардың қорытындылары 8-12 слайдтарда көрсетілді.

«Кең спектрлі білім беру қызметін қалыптастырудың» талаптары оқытудың жаңа технологиясын пайдалану. Жаңа педагогикалық технологияларда оқытушының ақпарат беруші қызметіне қарағанда, үйлестіруші, кеңесші, оқушының шығармашылық белсенділігі мен өзіндік танымдық қызметін ұйымдастырушы қызметіне баса назар аударылады.

Ол үшін инженер-педагогтардың кәсіптік шеберлігін арттыру мақсатында жоғарыда аталып өткен жұмыстардан басқа, колледжіде «Тәлімгерлер» және «Жас мамандар» мектебі жұмыс жасайды.

Жыл сайын өткізіліп отырған Облыстық "Үздік оқытушы" байқауларына да колледжінің арнайы пән оқытушылары Ж.Смагулова, Ж.Мурзабекова, Қ.Емишева, Р.Искакова қатысып, жүлделі орындар алды.

Сонымен қатар, колледж оқытушысы С.С.Жукенова колледжіде даярланатын 0819000 – «Мұнай және газды қайта өңдеу технологиясы» мамандығы бойынша химия пәндерінен өзінің көп жылдық тәжірибесін жинақтап, “Техникалық және кәсіптік білім саласындағы арнайы пәндермен аналитикалық химияны пәнаралық байланыстыра оқыту методикасы” тақырыбында кандидаттық еңбегін қорғады

Жас мамандар ішінде оқушыларға сапалы білім берумен қатар өзінің ізденгіштімен ғылыми жұмыспен айналысып жүрген жас мамандар жеткілікті. Солардың бірі «Есеп және аудит» мамандығы оқытушысы Салқынбаева Ф. Астана қаласында ұйымдастырылған “Ломоносов -2012” халықаралық ғылыми конференциясына өзінің ғылыми жұмыстарымен қатыса жүріп (баяндамасы III орынға ие болды. Еңбегі «Ломоносов - 2012» журналына жарияланды), шәкірттеріне де ғылыми жобалар дайындауға жетекшілік етіп, олар облыстық конференцияларда жүлделі орын алып отыр.

Әлемдік деңгейдегі оқытудың озық технологияларын меңгеру, еліміздің техникалық және кәсіптік білімді дамыту мақсатында тәжірибе алмасу іссапарларына ҚР білім және ғылым министрлігінің жолдамасымен колледж басшысы Б.С.Әліпбаеваның 2009 жылы Норвегия мемлекетіндегі Stat Oil компаниясында, 2012 жылы Түрік мемлекетінде, директордың оқу-өндірістік іс жөніндегі орынбасары Г.С.Қожабергенованың 2011 жылы дуальдық оқыту жүйесі бойынша Германия және Түрік мемлекетіне жіберілуі колледжінің оқу-әдістемелік жұмыстарының жетістігі.

Жоғарыда аталған инженер-педагогтар мен оқытушылардың біліктілігін арттыру курстарынан өту және білім берудің жаңа технологияларын игеру жұмыстарының дұрыс жолға қойылғанының дәлелі кәсіптік-техникалық білім беру мекемелерінің жыл бойғы облыстық (республикалық) біліктілік арттыру шараларына қатысу рейтингісінің қорытындысы бойынша 2010ж ОблБАИ-дың 1-ші дәрежелі дипломымен марапатталуы.

«Мұнай-газ ісі» мамандықтары бойынша Оқу-әдістемелік бірлестігінің шығармашылық тобы мақсаттарының бірі – 2008 - 2011жылдары 10 мамандықтың мемлекеттік жалпыға міндетті білім стандарттарын, 9 мамандықтың үлгілік оқу бағдарламаларын жасақтап, ҚР білім және ғылым министрлігінің бұйрықтарымен бекіттірілді.

Техникалық және кәсіптік білім беру ұйымдары түлектеріне біліктілікті беру және кәсіби даярлық деңгейін бағалауды ұйымдастыру жұмыстары бойынша Қазақстан Республикасы білім және ғылым министрлігі Техникалық және кәсіптік білім және біліктілік тағайындауды дамытудың Республикалық ғылыми-әдістемелік орталығының 19.10.2011жылғы №0695 хатына сәйкес, 4 мамандықтың орта буын мамандары және жоғары деңгей кәсіптері үшін тестік тапсырмаларды әзірлеу, белсендіру, мемлекеттік немесе орыс тіліне аудару жұмыстары және тәжірибелік сабақтардың тапсырмалары дайындалды.

Сонымен қатар колледжінің 10 оқытушысы 15 оқулық пен оқу-әдістемелік құралдарын жазды. Олар Республика оқу орындарында апробациядан өтуде. Күні бүгін аталған оқулықтардың үшеуі «Фолиант» баспасынан шығып, сатуға ұсынылды. Олар:

Р.Ж Маулибаеваның - Мұнай-газ өңдеу процестері және аппараттары (оқу құралы);
Г.Ж. Майлыбаеваның - Мұнай және газды өндіру техникасы мен технологиясы (оқу құралы),
М.Д.Сақтағанованың - Мұнай кәсіпшілік машиналары мен механизмдері

Сол сияқты басқа оқу орындары оқытушылары дайындаған оқулық пен оқу-әдістемелік құралдарына апробациялар жазылды.

Соның қорытындысында колледж ұжымын және апробация жазған арнайы пән оқытушыларын Қазақстан Республикасы білім және ғылым министрлігі Техникалық және кәсіптік білім және біліктілік тағайындауды дамытудың Республикалық ғылыми-әдістемелік орталығы сертификаттармен марапаттады.

Колледжіде атқарылып жатырған оқу-әдістемелік жұмыстар қорытындысы бойынша жыл сайын Техникалық және кәсіптік білім беру ұйымдары арасында ұйымдастырылып өткізілетін «Ең үздік колледж» облыстық байқауларында да колледж ұжымының жұмысы жүлделі орындар иеленіп келеді.

«ӨзенМұнайГаз» АҚ –ының корпоративтік оқу орталығында өндіріс мамандарының көмегімен оқу және өндірістік тәжірибені өтуге келісім жасалды.

Өндірістік тәжірибелер соңында арнайы пән оқытушылары көмегімен өндіріске енгізілген жаңа технологиялар мен жабдықтардан алған тәжірибелерін қорытындылау бағытында «Өндірістік жағдаяттарды шешу» атты конкурстар ұйымдастырылады. Соның қорытындысымен жақсы көрсеткішке ие болған оқушылар облыстық пән олимпиадаларына дайындалады. ЖМжГК-нiң жылдық жоспарына және Маңғыстау облысының білім басқармасының жоспарына сәйкес студенттердің бiлiмдiлiк деңгейiн анықтау мақсатында "Мұнай ісі» мамандықтары бойынша 1V колледжішілік олимпиада ұйымдастырылды.

Олимпиадаға 0809000 - «Мұнай және газ кенорындарын пайдалану», 0801000 - «Мұнай және газ скважиналары және бұрғылау жұмысының технологиясы» және 0805000 - «Мұнай мен газды тасымалдау және сақтау» мамандығы бойынша 17 студент қатысты, нәтижесінде 0805000 және 0801000 – мамандықтары II орын; 0809000 мамандығы III орын иеленді.

Колледжіде оқушылардың шығармашылық қабілеттерін дамыту, «өз менін» қалыптастыру мақсатында өзін-өзі басқару ұйымы қызмет атқарады.

Колледждің әдістемелік қызметінің алдағы проблемасы: «Алдыңғы қатарлы оқу орны ретінде сапа менеджменті арқылы жеке имиджін, бітіруші түлектің кәсіби шеберлігі мен құзіретін, оқу орны миссиясына сәйкес, кең спектрлі білім беру қызметін қалыптастыру».

Сондықтан оқу орны жұмысын аккредиттеуден өткізу мақсатында дайындық жұмыстары жүргізілуде. Сол мақсатпен Қазақстан Білім және ғылым министрлігі Ұлттық аккредиттеу орталығы ұйымдастырған «Білім сапасының сыртқы бағалануы: техникалық және кәсіптік білім ұйымының аккредиттеуге дайындығы» атты семинар-тренингке колледж директоры Б.С.Алипбаева және Қазақстан Білім және ғылым министрлігі Білім сапасын қамтамасыздандыру тәуелсіз қазақстандық агенттігі ұйымдастырған «Техникалық және кәсіптік білім беру ұйымдарын тәуелсіз ұлттық аккредиттеу» атты республикалық семинарына колледж әдіскерлері Х.А.Караева мен Т.Ғ.Мырзағалиева қатысып, сол бағытта жасалатын жұмыстар жоспары жасақталуда.

Колледждің алдағы проблемасында атап көрсетілгендей, халықаралық білім саласына ену үшін үнемі жетілдіру қағидасына сүйенетін сапа менеджменті жүйесін қолдануға көше отырып, халықаралық білім стандарттарына сай білімді, бәсекелестікке қабілетті мамандар дайындауды қамтамасыз ету болып табылады.

Сондықтан колледжде сапа менеджментінің талаптарына сәйкес оқу - материалдық базасы дайындалуда. Оған дәлел теориялық және зертханалық сабақтарды оқытуды жоғары дәрежеге жеткізу мақсатында оқу дәрісханалары, зертханалары, шеберханалар, курстық және дипломдық жобаларды орындауға арналған дәрісханалар және кітапхана мен оқу залдары қазіргі талапқа сай жаңа ақпараттық, электрондық технологиялық құралдармен жабдықталып, оқытушының да, оқушының да өз жұмысын тиімді ұйымдастыруына толық жағдай жасақталды және жасақталуда.

Сапа менеджмент жүйесі - көрсетілетін қызметтердің сапасын қамтамасыз етуге және осы сапаны тұтынушылардың сұранысына икемдеуге арналған жүйе. Сондықтан бітіруші түлектің кәсіби шеберлігі мен құзіретін қалыптастыру үшін Елбасы Жолдауында атап көрсетіліп, техникалық және кәсіптік білім саласы бойынша эксперимент ретінде іске асырылып жатырған дуальдық оқыту жүйесі колледжіде 0801000 – «Мұнай және газ скважиналарын бұрғылау және бұрғылау жұмыстарының технологиясы» және 0809000 – «Мұнай және газ кенорындарын пайдалану» мамандықтары бойынша іске асырылуда. Оның міндеті жоғарыда аталды.

Жалпы техникалық және кәсіптік беру жүйесінің алдында тұрған міндеттердің бірі әлеуметтік серіктестіктермен біріге отырып, оқу және өндірістік тәжірибелерді өткізу мәселесін шешу. Бұл бағытта «ӨзенМұнайГаз» АҚ –ымен және оған қарасты мекемелермен келісім – шарттар жасалды. Колледжі базасында слесарлық және механикалық тәжірибені өткізу үшін интерактивті тақта көмегімен дайындамалардың сызбасын дайындап, компьютермен басқарылатын станоктарда жұмысты жүргізуге толық мүмкіндік бар. Сондықтан арнайы пән оқытушылары слесарлық және механикалық тәжірибенің үлгілік оқу бағдарламаларын колледжіге ыңғайлап, қайта жасақтады

Сонымен қатар колледжінің оқу-әдістемелік жұмыстар бойынша шығармашылық тобы Республикалық дәрежеде жарияланған ғылыми жобаларға да қатысып отырады.

Мысалы: «Холдинг «Кәсіпкор» КЕАҚ арқылы әлемдік тәжірибені тарату мақсатында колледжінің «Мұнай-газ ісі» мамандықтарының тәжірибелі инженер–педагогтары Майлыбаева Г.Ж., Сактағанова М.Д., Көшербаева Ш.И., арнайы оқу бағдарламасы бойынша (SАIT Polytechnic) 03-07 желтоқсанда 2012жылы Атырау қаласында политехникалық колледж базасында өткен Республикалық курсқа қатысып, оқытудың заманауи әдістері мен инновациялық білім беру технологияларын меңгеріп, Халықаралық сертификатқа ие болды.

Республикалық техникалық және кәсіптік оқу орындарын жетілдіруге, материалдық техникалық базасын нығайтуға арналған «План институционального развития» атты конкурсқа қатысып, грантты жеңіп алдық. Қазір ол бағытта да колледжіде үлкен жұмыстар атқарылып жатыр.

Колледжінің арнайы пән оқытушысы Т.М.Ускимбаев және директордың оқу әдістемелік жұмыс жөніндегі орынбасары С.С.Жукенова Орталық Азия Евразия Қоры ұйымдастыруымен Техникалық және кәсіптік білім және біліктілік тағайындауды дамытудың Республикалық ғылыми-әдістемелік орталығы мамандарымен бірге №9 Құлсары кәсіптік-техникалық лицейі базасында «080105 2 Мұнай және газға барлау және пайдалану скважинасын бұрғылау бұрғышысы көмекшісі» кәсібінің құзіретке негізделген модульдік оқыту технологиясын дайындауға қатысты. Ол осы желтоқсан айында өткен Республикалық Оқу әдістемелік кеңесте талқылылынып, эксперимент ретінде жүзеге асырылатын болды.

Қорыта келгенде, колледжде атқарылып жатырған оқу-әдістемелік жұмыстар нәтижесінде:

техникалық және кәсіптік білім берудің мемлекеттік жалпыға міндетті білім стандарттары, білім беру бағдарламалары және типтік оқу бағдарламалары бойынша дайындалған мамандар өндірістік секторлар мен еліміздің экономикалық дамуына өз біліктіліктері мен игерген дағдылары бойынша бәсекеге қабілетті, өз бетімен кәсіби жағдайларды шеше алатын тұлғалық және қоғамдық қабілетті маман қалыптастыру;
техникалық және кәсіптік білім беруді ғылыми және оқу-әдістемелік құжыттарымен және техникалық – материалдық базасын қамтамасыз етудің тиімді жүйесін құру;
оқытушының педагогикалық іс-тәжірибелерін, шығармашылық жетістіктерін жетілдіру, тарату;
студенттердің өзін-өзі басқару жұмысына ықпал ету.