Оразмағанбет Тұрмағанбетұлы атындағы Маңғыстау индустриалды техникалық колледжінің басқару әкімшілігінің құрамы

 

Ускимбаев Танат Максимович – колледж директоры

1990 жылы Қазақ политехникалық институтының «Мұнай және газ скважиналарын бұрғылау» факультетін тау-кен инженері; 2001 жылы Қ.Сәтбаев атындағы Қазақ ұлттық техникалық университетінің «Мұнай және газ кәсіпшіліктері машиналары мен жабдықтары» факультетін инженер-механик біліктілігі бойынша бітірген.

Алғашқы еңбек жолын жолдамамен келіп, 1990 жылы Жаңаөзен мұнай техникумында арнайы пәндер оқытушысы болып бастап, 1992-1998 жылдары директордың оқу-өндірістік жұмыстар жөніндегі орынбасары, 1998-2000 жылдары Қазақ ұлттық университетінің Жаңаөзен мұнай және газ колледжі базасындағы филиалында «Мұнай-газ ісі» мамандықтары бойынша декан және аға оқытушысы, 2000 жылдан бері колледжде арнайы пән оқытушысы қызметтерін бір оқу орнында тапжылмай атқарып келеді.

Қазіргі таңда жалпы еңбек өтілі – 25 жыл, колледждегі еңбек өтілі – 25 жыл.

Т. М. Ускимбаев республикалық «Мұнай-газ ісі» оқу-әдістемелік бірлестігінің шығармашылық тобының мүшесі.

Негізгі жетістіктері:

0801000  – «Мұнай және газ скважиналарын бұрғылау және бұрғылау жұмыстарының технологиясы» мамандығы бойынша арнайы пәндерінен және кәсіптік тәжірибелерден;

0809000  – «Мұнай және газ кенорындарын пайдалану» мамандығы бойынша «Мұнай және газ скважиналарын бұрғылау техникасы мен технологиясы» пәнінен;

0807000  – «Мұнай және газ өнеркәсібінің жабдықтарына техникалық қызмет көрсету және жөндеу» мамандығы бойынша «Бұрғылау машиналары және механизмдерi» пәнінен;

0806000  – «Скважиналарды мұнай мен газға сынау» мамандығы бойынша «Бұрғылау ерітінділері және оны скважинаны сынау кезінде пайдалану технологиясы», «Мұнай және газ скважиналарын бұрғылау техникасы мен технологиясы» пәндерінен, кәсіптік тәжірибелерден мемлекеттік және орыс тілінде типтік оқу бағдарламаларын дайындады;

2009 жылы 0801000 – «Мұнай және газ скважиналарын бұрғылау және бұрғылау жұмыстарының технологиясы» мамандығы бойынша «Мұнай және газ скважиналарын бұрғылау технологиясы» пәнінен оқулыққа қосымша оқу құралын құрастырды (06.03.2009ж Шешім 1/4);

2012 жылы дуальдық оқу жүйесіне арналған 0801000 – «Мұнай және газ скважиналарын бұрғылау және бұрғылау жұмыстарының технологиясы» мамандығы бойынша эксперименттік оқу жоспарын;

ҚР БжҒМ Техникалық және кәсіптік білім және біліктілік тағайындауды дамытудың Республикалық ғылыми-әдістемелік орталығымен келісім-шарт негізінде орта буын маманы техник-технологтар үшін және жоғары деңгей біліктілігін игерген жұмысшы кәсіптері үшін біліктілік тағайындаудың тест тапсырмаларын дайындады;

 «Өзенмұнайгаз» мекемесінің жұмысшы мамандарын «Машиниста буровых установок», «Помощника бурильщика эксплуатационного разведочного бурения скважин на нефть и газ». мамандығы бойынша қайта даярлау курсы үшін оқу бағдарламасын;

 «Мұнай және газ скважиналарын бұрғылау технологиясы», «Мұнай және газ скважиналарын бұрғылау бойынша механиктің анықтамалығы», «Мұнай және газ скважиналарын бұрғылау, сынау және пайдалану» (мемлекеттік тілде) және «Технология бурения нефтяных и газовых скважин» (орыс тілінде) атты оқу құралдарын жазды, олар республикамыздың оқу орындарында апробациядан өтіп, «Фолиант» баспасынан шығаруға жіберілді.

Оқытушының педагогикалық қызметінің нәтижелері:

2009 жылы ҚР БжҒМ Құрмет грамотасымен;

2010 жылы Маңғыстау облыстық білім басқармасының Құрмет граматосымен;

2010 жылы «Өзенмұнайгаз» АҚ Алғысымен;

2011 жылы «Қазақстан Республикасының білім беру ісінің құрметті қызметкері» төсбелгісімен;

2013 жылы «Жылдың үздік мұғалімі» атағымен марапатталды.

2013 жылы «Үздік педагог» республикалық конкурсында «Үздік педагог» төсбелгісімен және 1 731 000 теңге ақшалай сыйлығымен марапатталды.

 

 

Қуатова Рая Халимовна директордың оқу ісі жөніндегі  орынбасары

 1986 жылы Қазақ политехникалық институтының мұнай мен газ кәсіпшіліктерінің машиналары мен жабдықтары факультетін «инженер-механик» біліктілігі бойынша бітірген.

Алғашқы еңбек жолын Қазақ ғылыми зерттеу геологиялық институтында инженер қызметінен бастап, бүгінде колледжде 0807000 – ««Мұнай және газ өнімдерін техникалық жабдықтарды жөндеу және қызмет көрсету» мамандығы бойынша арнайы пәндер оқытушысы, 2014 жылдан директордың оқу ісі жөніндегі орынбасары қызметін атқарып келеді.

Қазіргі таңда жалпы еңбек өтілі – 33 жыл, колледждегі еңбек өтілі – 16 жыл.

Негізгі жетістіктері:

Р. Х. Қуатова республикалық «Мұнай-газ ісі» оқу-әдістемелік бірлестігінің шығармашылық тобының мүшесі. Ол өзі сабақ беретін бірнеше пәннен оқу бағдарламаларын, әдістемелік нұсқауларын жазды. Атап айтқанда:

0801000 – «Мұнай және газ скважиналарын бұрғылау және бұрғылау жұмыстарының технологиясы» мамандығы бойынша «Бұрғылаудың өндірістік процесін автоматтандыру» пәнінен мемлекеттік және орыс тілінде типтік оқу бағдарламасын;

0807000 – «Мұнай және газ кәсіпшілігінің жабдықтарына техникалық қызмет көрсету және жөндеу» мамандығы бойынша «Іштен жану қозғалтқыштары», «Өндірісті автоматтандыру негіздері және ТПБАЖ», «Бөлшектерді қалпына келтіру және жөндеу технологиясы», «Мұнай және газ өнеркәсібінің жабдықтарына техникалық қызмет көрсету және жөндеу» пәндерінен және кәсіптік тәжірибелерден мемлекеттік және орыс тілінде типтік оқу бағдарламаларын;

0808000 – «Мұнай, газ өңдеу және химия өнеркәсібінің жабдықтарына техникалық қызмет көрсету және жөндеу» мамандығы бойынша «Өндірісті автоматтандыру негіздері және ТПБАЖ» пәнінен мемлекеттік және орыс тілінде типтік оқу бағдарламаларын;

0819000 – «Мұнай және газды қайта өңдеу технологиясы» мамандықтары бойынша «Өндірісті автоматтандыру негіздері және ТПБАЖ» пәнінен мемлекеттік және орыс тілінде типтік оқу бағдарламаларын (2010ж) дайындады.

 «Бұрғылау және мұнай өндірісі жабдықтарына техникалық қызмет көрсету, жөндеу және құрып орнату» пәнінен курстық жобаның орындалуы бойынша және сырттай бөлім студенттеріне арналған әдістемелік нұсқаулықтар даярлады.

 «Бұрғылау және мұнай өндірісі жабдықтарына техникалық қызмет көрсету, жөндеу және құрып орнату» пәні бойынша мемлекеттік тілде дәрістер жинағын құрастырды. Бұл жұмыстар облыстық мұғалімдер білімін жетілдіру институтының сараптау тобына ұсынылып, ОблБАИ-дың әдістемелік кеңесінде бекітілді (29.03.2011ж).

 «Эксплуатация бурового оборудования» пәнінен қазақ тілінде оқу құралын жазды, бүгінде Орал және Атырау қаласындағы кәсіптік колледждерде апробациядан өтуде.

Оқытушының педагогикалық қызметінің нәтижелері:

2010 жылы Маңғыстау облыстық білім басқармасының Құрмет граматосымен марапатталды.

 

 

Жукенова Сайлаухан Сатыбалдиевна – директордың әдістемелік жұмысы жөніндегі  орынбасары

 1970 жылы 14 маусымда Маңғыстау облысы Ералиев ауданы Аққұдық ауылында дүниеге келген.

1992 жылы Әл-Фараби атындағы Қазақ ұлттық университетінің химия факультетін химия пәні оқытушысы; 2007 жылы Қ.Сәтбаев атындағы Қазақ ұлттық техникалық университетін «инженер» біліктілігі бойынша бітірген.

1992 жылдан бері О.Тұрмағанбетұлы атындағы Жаңаөзен мұнай және газ колледжінде 0819000 – «Мұнай және газды қайта өңдеу технологиясы» мамандығы бойынша арнайы пәндер оқытушысы, 2012 жылдан директордың оқу-әдістемелік жұмыстар жөніндегі орынбасары қызметін атқарып келеді.

Қазіргі таңда жалпы еңбек өтілі – 23 жыл, колледждегі еңбек өтілі – 22 жыл.

С.С.Жукенова республикалық «Мұнай-газ ісі» Оқу-әдістемелік бірлестігінің шығармашылық тобының мүшесі. Педагогика ғылымының кандидаты.

 Негізгі жетістіктері:

 «Өзенмұнайгаз» мекемесінің жұмысшы мамандарын «Лаборант по анализу газовоздушной среды», «Лаборант по анализу газа и пыли», «Лаборант химического анализа» мамандығы бойынша қайта даярлау курсы үшін оқу бағдарламаларын жасақтады;

0819000 – «Мұнай және газды қайта өңдеу технологиясы» мамандығы бойынша «Физикалық және коллоидтық химия» және «Аналитикалық химия» пәндерінен әдістемелік нұсқаулығын (ОблБАИ-ның 28.03.2008 ж №2/3 хаттама шешімі) құрастырды;

 «Основы технохимического контроля», «Газ саласындағы химия технологиясы» және «Основы технологии отрасли» оқу - әдістемелік құралын (Т.Г.Мырзағалиевамен бірлікте) құрастырды;

2010 жылы «Техникалық анализ және өндірісті бақылау» пәнінен оқулыққа көмекші құралын жасақтады;

0819000 – «Мұнай және газды қайта өңдеу технологиясы» мамандығы бойынша «Аналитикалық химия», «Физикалық және коллоидтық химия», «Еңбек қорғау және өндірістік экология негіздері», «Мұнайхимия синтезі технологиясы», «Өндірісті бақылау және техникалық анализ», «Термодинамика және жылу техника негіздері» пәндерінен және өндірістік оқыту және кәсіптік тәжірибелерден үлгілік оқу бағдарламаларын;

ҚР БжҒМ ТжКБ және біліктілік тағайындауды дамытудың Республикалық ғылыми-әдістемелік орталығымен келісім-шарт негізінде орта буын маманы техник-технологтар үшін және жоғары деңгей біліктілігін игерген жұмысшы кәсіптері үшін біліктілік тағайындаудың тест тапсырмаларын;

0801000 – «Мұнай және газ скважиналарын бұрғылау және бұрғылау жұмыстарының технологиясы» және 0808000 - «Мұнай, газ өңдеу және химия өнеркәсібінің жабдықтарына техникалық қызмет көрсету және жөндеу» мамандықтары бойынша «Еңбек қорғау және өндірістік экология негіздері» пәнінен үлгілік оқу бағдарламасын;

0801000 – «Мұнай мен газ скважиналарын бұрғылау және бұрғылау жұмыстарының технологиясы», 0809000 – «Мұнай және газ кенорындарын пайдалану», 0805000 – «Мұнай мен газды тасымалдау және сақтау»мамандықтары бойынша «Термодинамика және жылу техника негіздері» пәнінен үлгілік оқу бағдарламаларын дайындады.

 «Технология переработки нефти и газа» оқу-әдістемелік құралы «Фолиант» баспасынан шықты.

Оқытушының педагогикалық қызметінің нәтижелері:

2009 жылы Маңғыстау облыстық білім басқармасының Құрмет граматосымен;

2010 жылы Жаңаөзен қаласы әкімінің Құрмет грамотасымен;

2012 жылы ҚР БжҒМ Құрмет грамотасымен;

2014 жылы халықаралық «За вклад в развитие образования» медалімен марапатталды және 2014 жылы С.Өтебаев атындағы грантты жеңіп алды.

2015 жылы «Үздік педагог» республикалық конкурсында «Үздік педагог» төсбелгісімен және 1 900 000 теңге ақшалай сыйлығымен марапатталды.

 

 

Дыбысова Роза Текебайқызы директордың ғылыми-әдістемелік ісі жөніндегі орынбасары

 1969 жылы 18 желтоқсанда Маңғыстау облысы Форт-Шевченко қаласында дүниеге келген.

1994 жылы Атырау педагогикалық институтын қазақ тілі және әдебиеті пәні мұғалімі біліктілігі бойынша бітірген.

Өзінің алғашқы еңбек жолын Маңғыстау облысы Жаңаөзен қаласы №5 орта мектебінде мұғалім, 2000-2005 жылдары Жаңаөзен мектеп-гимназиясында әдіскер, 2005 жылдан О.Тұрмағанбетұлы атындағы Жаңаөзен мұнай және газ колледжінде әдіскер қызметін атқаруда және өз пәні бойынша дәріс беріп келеді.

Қазіргі таңда жалпы еңбек өтілі – 26 жыл, колледждегі еңбек өтілі – 11 жыл.

Негізгі жетістіктері:

Р.Т.Дыбысова республикалық «Мұнай-газ ісі» Оқу-әдістемелік бірлестігінің шығармашылық тобының мүшесі.

2010 жылы «Мемлекеттік тілде іс-қағаздарын жүргізу» пәнінен дәрістер жинағын, сырттай оқу бөлімі студенттеріне арналған бақылау жұмысын орындаудың әдістемелік нұсқаулығын құрастырды, дәрістер жинағы ОблБАИ-дың әдістемелік кеңесінде бекітілді (ОблБАИ-ның 17.03.2010 ж №1/2 хаттама).

2010 жылы Сондай-ақ мұғалім «Жол картасы» бағдарламасы аясында «Қонақ үй шаруашылығын ұйымдастыру және қызмет көрсету» мамандығы бойынша жұмысшы мамандарын даярлау курсы үшін типтік оқу бағдарламасын және «О.Тұрмағанбетұлы атындағы Жаңаөзен мұнай және газ колледжі» мен «Өзенмұнайгаз» ӨФ және басқа мекемелер арасындағы әлеуметтік әріптестік тәжірибесінен жинақ кітапшасы (30.06.2010ж Шешім  №3/4 ОблБАИ кеңесі) облыс көлемінде таратылды.

2013 жылы 0801000 – «Мұнай және газ скважиналарын бұрғылау және бұрғылау жұмыстарының технологиясы», 0805000 – «Мұнай мен газды сақтау және тасымалдау», 0806000 – «Скважиналарды мұнай мен газға сынау», 0807000 – «Мұнай және газ өнеркәсібінің жабдықтарына техникалық қызмет көрсету және жөндеу», 0808000 – «Мұнай, газ өңдеу және химия өнеркәсібінің жабдықтарына техникалық қызмет көрсету және жөндеу»; 0809000 - «Мұнай және газ кенорындарын пайдалану», 0819000 – «Мұнай және газды қайта өңдеу технологиясы» мамандықтары бойынша оқу бағдарламаларын жасауға қатысты.

Кәсіби байқауларға қатысуы:

1999 жылы республикалық «Жыл мұғалімі» байқауына қатысып, жүлделі III орын;

2014 жылы «Жыл әдіскері – 2014» облыстық конкурсында I орын, республикалық «Жыл әдіскері» байқауынан III орын және «Жаңашыл әдіскер» номинациясымен марапатталды.

Оқытушының педагогикалық қызметінің нәтижелері:

1999 жылы «Қазақстан Республикасының білім беру ісінің Үздігі» төсбелгісімен;

2004 жылы Маңғыстау облысы әкімінің Құрмет грамотасымен;

2010 жылы ҚР БжҒМ Құрмет грамотасымен;

2011 жылы «Тәуелсіздікке 20 жыл» төсбелгісімен;

2014 жылы халықаралық «За вклад в развитие образования» медалімен;

2014 жылы Жаңаөзен қаласы бойынша «Жылдың үздік мұғалімі» номинациясымен марапатталды.

 

 

Искакова Рахат Досымбаевна – директордың тәрбие ісі жөніндегі орынбасары

 1985 жылы Алматы энергетикалық институты, электротехникалық факультетін «автоматтандырылған электр байланысының инженері» біліктілігі бойынша бітірген.

1985-1989 жылдары Жаңаөзен қалалық байланыс мекемесінде инженер қызметін атқарған.

1989 жылдан бері О.Тұрмағанбетұлы атындағы Жаңаөзен мұнай және газ колледжінде 1302000 – «Автоматтандыру және басқару» мамандығы бойынша арнайы пәндерден сабақ береді және 2012 жылдан бюджет бөлімінің меңгерушісі.

Қазіргі таңда жалпы еңбек өтілі – 35 жыл, колледждегі еңбек өтілі – 26 жыл.

Р.Д.Искакова республикалық «Мұнай-газ ісі» Оқу-әдістемелік бірлестігінің шығармашылық тобының мүшесі.

Негізгі жетістіктері:

2008 жылы «Мұнай-газ ісі» және 1302000-«Автоматтандыру және басқару», 0911000 - «Электр және электрлі механикалық жабдықтарды техникалық пайдалану, қызмет көрсету және жөндеу» мамандықтары бойынша «Жалпы электротехника және электроника негіздері» пәнінен типтік оқу бағдарламасын;

2008 жылы «Өзенмұнайгаз» мекемесінің «Слесарь КИПиА 2/3,5 разряда» жұмысшы мамандарын қайта даярлау курсы үшін оқу бағдарламаларын;

2011 жылы 0805000 – «Мұнай мен газды сақтау және тасымалдау», 0807000-«Мұнай және газ өнеркәсібінің жабдықтарына техникалық қызмет көрсету және жөндеу»; 0808000-«Мұнай, газ өңдеу және химия өнеркәсібінің жабдықтарына техникалық қызмет көрсету және жөндеу»; 0809000 – «Мұнай және газ кенорындарын пайдалану», 0819000 - «Мұнай мен газды қайта өңдеу технологиясы» мамандықтары бойынша «Жалпы электротехника және электроника негіздері» пәнінен мемлекеттік және орыс тілінде типтік оқу бағдарламаларын жасақтады.

2010 жылы «Электротехника негіздері» пәнінен қазақ тілінде оқу құралын жазды, осы оқу құралы Орал және Атырау қаласындағы кәсіптік колледждерде апробациядан өтуде.

 «Жалпы электротехника және электроника негіздері» пәні бойынша мемлекеттік тілде дәрістер, тест жинақтарын құрастырды. Бұл жұмыстар облыстық мұғалімдер білімін жетілдіру институтының сараптау тобына ұсынылып, ОблБАИ-дың әдістемелік кеңесінде бекітілді (ОблБАИ-ның 28.03.2008ж №2/3 хаттама шешімі).

Оқытушының педагогикалық қызметінің нәтижелері:

2008 жылы ҚР БжҒМ Құрмет граматосымен;

2010 жылы ӨФ «ӨзенМұнайГаз»-дың Алғыс хатымен;

2010 жылы Маңғыстау облыстық білім басқармасының Құрмет грамотасымен марапатталды.

2012 жылы «Үздік колледж оқытушысы» облыстық байқауында «Шығармашыл ұстаз» номинациясын иеленді.

 

 

Смагулова Жеміс Киндуллақызы – әдіскер

 1986 жылы Атырау педагогикалық институтын биология және химия пәні мұғалімі мамандығы бойынша бітірген.

Алғашқы еңбек жолын Жаңаөзен қаласындағы №4 және №10 орта мектептерде мұғалімдік қызметін бастаған.

2006 жылдан бастап О.Тұрмағанбетұлы атындағы Жаңаөзен мұнай және газ колледжінде химия пәнінен сабақ беріп келеді.

Қазіргі таңда жалпы еңбек өтілі – 28 жыл, колледждегі еңбек өтілі – 9 жыл.

Жеміс Киндуллақызы колледждегі шығармашылық топтың мүшесі. Оқытушы 0819000 - «Мұнай және газды қайта өңдеу технологиясы» мамандығы бойынша «Органикалық химия» пәнінен мемлекеттік тілде дәрістер және практикалық жұмыстар, тест жинағы жинағын құрастырды, аталған жұмыс ОблБАИ-ның 26.03.2009 ж №1/1 хаттама шешімімен бекітілді.

2008 жылы облыстық «Үздік колледж оқытушысы» байқауына қатысып, жүлделі I орын иеленді.

Оқытушының еңбегі еленіп, Маңғыстау облысы білім басқармасының Құрмет грамотасымен және Маңғыстау облысы әкімінің Құрмет грамотасымен марапатталды.

 

 

Салқынбаева Фатима Давитбаевнаәдіскер

 2008 жылы Қ.Жұбанов атындағы Ақтөбе мемлекеттік университетін қаржы мамандығы бойынша үздік бітірген. 2010 жылы «Экономика магистрі» академиялық дәрежесін алған.

2010 жылдан бері О.Тұрмағанбетұлы атындағы Жаңаөзен мұнай және газ колледжінде 0518000 – «Есеп және аудит» мамандығы бойынша арнайы пәндер оқытушысы.

Қазіргі таңда жалпы еңбек өтілі – 10 жыл, колледждегі еңбек өтілі – 8 жыл.

Ол мамандығы бойынша арнайы пәндерінен сырттай бөлім студенттеріне арналған бақылау жұмысын орындаудың әдістемелік нұсқаулығын, бітіруші курстарға арналған кешенді тест тапсырмаларын жасақтады. «Ақша, қаржы және несие» пәнінен лекциялар жинағын құрастырды.

2012 жылы Маңғыстау облысының ТжКББ оқу әдістемелік кабинетінің ұйымдастыруымен өткізілген «Құзіретке негізделген стандарт - білікті маман дайындау кепілі» облыстық семинарында «Инвестициялық жобаларды талдау және бизнес» тақырыбындағы ашық сабағы; 2015 жылы «Техникалық және кәсіптік білім беру саласындағы дуалдық жүйе және модульдік оқыту, институциональдық даму жоспары шеңберінде инновациялық тәжірибе алмасу» тақырыбындағы облыстық әдістемелік семинарда «Ақша, қаржы және несие» пәнінен «Бағалы қағаздар нарығы, оның мәні және негізгі белгілері» тақырыбында өткізген ашық сабағы «өте жақсы» деп бағаланып, іс-тәжірибесін облыс көлемінде таратуға ұсынылды.

Фатима Давитбайқызы ғылыми конференцияларға да белсене қатысып отырады. Ақтөбе қаласында ҚР Тәуелсіздігінің 20 жылдығына арналған «Жастар және ғылым: Бүгіні мен келешегі» VII халықаралық ғылыми конференциясында «Маңғыстау облысының индустриялды - инновациялық даму перспективасы» (2011ж); Алматы қаласында жас ғалымдарға арналған «Инновационное развитие и востребованность науки в современном Казахстане» тақырыбындағы V халықаралық ғылыми конференциясында «Маңғыстау облысының үдемелі индустриалды - инновациялық даму бағыттары»; Маңғыстау политехникалық колледжінде ұйымдастырылған «Жаңа әлемдегі жастар және ғылым» облыстық ғылыми практикалық конференциясында «Корпоративтік әлеуметтік жауапкершілік шетелдік модельдерінің ерекшеліктері»; Ақтөбе қаласында «Қазіргі Қазақстан: Білім және ғылым» аймақтық ғылыми форумында «Ғылым және инновация дамуының халықаралық тәжірибелері»; «Болашақ» академиясында ұйымдастырылған «Білім беру жүйесінде кәсіби бағытты жүзеге асырудың өзекті мәселелері» атты облыстық ғылыми – тәжірибелік конференциясында «Білім беру жүйесіндегі болашақ кәсіби маманды дайындаудың шетелдік тәжірибелері» (2014ж) және «Кәсіптік білім берудің өзекті мәселелері және шешу жолдары» облыстық ғылыми-тәжірибелік  конференциясында «Жастармен әлеуметтік жұмыс жүргізу технологиясы» (2015ж) мақалаларымен қатысып, жинаққа енді.

Сондай-ақ Астана қаласында ұйымдастырылған «Ломоносов оқулары - 2012» халықаралық ғылыми конференциясына «Зарубежный опыт индустриально-инновационного развития» тақырыбында қатысып, баяндамасы III орынға ие болды. Еңбегі «Ломоносов - 2012» журналына жарияланды.

Әдістемелік құралдар немесе бағдарламалар әзірлеуі

0801000 – «Мұнай және газ скважиналарын бұрғылау және бұрғылау жұмыстарының технологиясы» мамандығы бойынша «Өндірістік экономика, жоспарлау және өндірісті ұйымдастыру» пәнінен үлгілік оқу бағдарламасы- 2014 ж;

0824000 – «Бұрғылау жұмыстарының технологиясы» мамандығы бойынша «Өндірістік экономика, жоспарлау және өндірісті ұйымдастыру» пәнінен үлгілік оқу бағдарламасы – 2014 ж;

0518000 «Есеп және аудит» мамандығының «Ұйымдардағы бухгалтерлік есеп» пәнінен жұмыстық оқу бағдарлама 2013 ж;

 «Кәсіпкерлік қызмет негіздері» факультатив курсына арналған әдістемелік құрал – 2017 ж;

Оқытушының педагогикалық қызметінің нәтижелері:

2012 жылы Маңғыстау облысы білім басқармасының Құрмет грамотасымен;

2015 жылы II қалалық жастар сыйлығының «Жас ғалым» номинациясымен марапатталды.

2016 жылы Қазақстан Республикасы білім және ғылым министрлігі.Білім және ғылым саласындағы бақылау комитеті,Құрмет грамотасы 

2016 жылы ҚР Тәуелсіздігіне 25 жыл толуына орай Республикалық «Білім шыңы-Ғылым сыры» журналының ұйымдастырған «Мәңгілік Елдің мәртебелі мұғалімі» жобасының  медалі;

2018 жылы Маңғыстау облысы әкімінің орынбасары Өңірлік ұйымдастыру алқасының төрағасы Алғыс хат 2018 ж.

2018 жылы Республикалық Үздік педагог – 2018 конкурсының жеңімпазы.

 

 

Емишева Қалампыр Кушкинбаевна күндізгі бөлім меңгерушісі

 1983 жылы Түркмен политехникалық институтының «гидрогеология және инженерлік геология» факультетін инженер-гидрогеолог біліктілігі бойынша бітірген.

1983-1996 жылдары Небит-Даг қаласындағы «Түркмен НИПИ нефть» мекемесінде инженер қызметін атқарған.

1996 жылдан бері О.Тұрмағанбетұлы атындағы Жаңаөзен мұнай және газ колледжінде 0701000 – «Пайдалы қазбалар кен орындарын геологиялық түсіру, іздеу және барлау» мамандығы бойынша арнайы пәндерден сабақ береді және 2012 жылдан бюджет бөлімінің меңгерушісі.

Қазіргі таңда жалпы еңбек өтілі – 32 жыл, колледждегі еңбек өтілі – 19 жыл.

Қ. К. Емишева республикалық «Мұнай-газ ісі» Оқу-әдістемелік бірлестігінің шығармашылық тобының мүшесі.

Негізгі жетістіктері:

2008 жылы «Мұнай-газ ісі» мамандықтары бойынша «Гидравлика және жылу техникасы», «Еңбекті қорғау», «Өнеркәсіптік экология негіздері» пәндері бойынша мемлекеттік және орыс тілінде типтік оқу бағдарламаларын (ҚР БжҒМ 30.09.2008ж);

2010 жылы 0801000 – «Мұнай және газ скважиналары және бұрғылау жұмысының технологиясы»; 0805000 – «Мұнай және газды сақтау және тасымалдау»; 0807000 – «Мұнай және газ өнеркәсібінің жабдықтарына техникалық қызмет көрсету және жөндеу»; 0809000 – «Мұнай және газ кенорындарын пайдалану» мамандықтары бойынша «Гидравлика» пәнінен мемлекеттік және орыс тілінде типтік оқу бағдарламаларын дайындады.

2010 жылы «Гидравлика» пәнінен мемлекеттік тілде дәрістер жинағы және «Гидравлика» пәнінен есептер жинағы ОблБАИ-дың әдістемелік кеңесінде (ОблБАИ кеңесі, 17.03.2010ж №1/2 хаттама) бекітілді.

Оқытушының педагогикалық қызметінің нәтижелері:

2010 жылы Маңғыстау облысы әкімінің Құрмет граматосымен;

2011 жылы Маңғыстау облыстық білім басқармасының Құрмет грамотасымен марапатталды.

2011 жылы «Үздік колледж оқытушысы» облыстық байқауында III орын иеленді.

техникалық қауіпсіздік» және «Геологиялық жұмыстардың ерекшелігі» қазақ тілінде оқу құралын жазды, бүгінде Орал және Атырау қаласындағы кәсіптік колледждерде апробациядан өтуде.

 

 

Ходжанепесова Айтбиби Тулеповна күндізгі бөлім меңгерушісі

Туған күні, айы, жылы: 10.09.1982 жыл

Мекен жайы: Маңғыстау облысы,Жаңаөзен қаласы, 6 ш/а,11 үй,19 пәтер

Білімі: Жоғары

Қаныш Сатбаев атындағы Қазақ Ұлттық Техникалық Университеті, Алматы қаласы 

Мамандығы: Инженер-эколог

Еңбек өтілі: 11 жыл

Санаты: ІІ

Негізгі жетістіктері:

«Құрмет грамотасы» Ел Тәуелсіздігінің 20 жылдық мерекесіне орай, кәсіптік білім берудегі шығармашылық ізденісі үшін;   

Маңғыстау облысы білім басқармасының «Берекелі елдігіміз бен бірлігіміздің нығаюына және өскелең ұрпаққа білім мен тәрбие берудегі қосқан еңбегі үшін - Алғыс 2018 ж.

Колледжішілік «Келіндер сыны» байқауында «Мақтау грамотасы» ІІІ орын, 2017

Колледжішілік «Оқытудың жаңа технологиялары – жалпы білімділік нәтижесінің жаңа жетістіктері негізі» тақырыбындағы облыстық – практикум аясында өткен «Сырласайық женеше атты» танымдық турнирде,  ІІІ орын

Алғыс – Колледжішілік мәдени, қайырымдылық шараларына 1 ДП а- 16 Б тобын белсене қатыстырғаны және жауапкершілік қызметі үшін 2017ж 

Сертификат – «Мұнай, газ кенорындарын игерудің экологиялық проблемалары» тақырыбындағы материалы жарияланды. 2017 ж

Сертификат – Үздік ашық сабақ атты халықаралық дәрежеде өткізілетін Республикалық шығармашылық конкурстарға қатысқаны үшін. 2017 ж

Сертификат – «Ғылыми дамудағы инновациялық технологиялар» атты оқытушылар арасындағы қалалық ғылыми-тәжірибелік конференция 2018 ж

 

 

Мусаева Галия Джаксылыковна – күндізгі бөлім меңгерушісі

Туған күні, айы, жылы: 14.12.1971 жыл

Мекен жайы: Маңғыстау облысы, Жаңаөзен қаласы, Астана ш/а, А.Байтұрсынов көшесі 15 үй

Білімі: Жоғары, Актау политехникалық Институты

Мамандығы: Мұнай және газ кенорындарын игеру және пайдалану

Квалификация: Тау-кен инженері

Еңбек өтілі: 25 жыл

1988-1989ж. «АктауПромСервис»-лаборант хим.лаборатории

1994-1996 ж. математика пәні мұғалімі №29 орта мектепте п.Белек ТССР

1996-2000 ж  Жаңаозен мұнай және газ колледжі арнайы пән оқытушысы

2000-2008 ж «МұнайСервис» ЖШС ТҚ инженері, эколог

2013-2016 ж Жаңаозен мұнай және газ колледжі оқу өндіріс шебері

2016 жылдан бастап күндізгі бөлім меңгерушісі

Марапаттары:

2014-2015 оқу жылында «Жаман деген жүрекке от берейік» атты облыстық ғылыми –тәжірибелік конференциясына «Медицинадағы өзекті мәселелер: шығармашылық ізденістер,заманауи жаңару жолдары» секция бойынша белсене қатысқаны үшін Табунова Махаббат студенті марапатталған. 

Біліктілікті арттыру:

Техникалық және кәсіптік білім беруде ақпараттық-коммуникациялық технологияларды дуальды жүйеде пайдалану арқылы оқушылардың қабілетін және оқуғапозитивтік көзқарасын дамыту /«Өрлеу» Ұлттық біліктілік арттыру  орталығы АҚ филиалы Маңғыстау облысы бойынша педагогикалық қызметкерлердің біліктілігін арттыру институты 21.06.2014 ж./№ 0015863;

Қазақстан Республикасының Еңбек Кодексі.Қауіпсіздік және еңбекті қорғау/Маңғыстау облысының еңбек басқармасы 13.04-17.04.2015ж.

Техникалық және кәсіптік білім беру ұйымдарында оқытудың кредиттік технологиясына ауысудың ұйымдастыру-әдістемелік аспектілері / «Кәсіпқор» холдингі» коммерциялық емес ақционерлік қоғамы Кәсіптік білім беру орталығы 18.11.2016ж №03884;

Техникалық және кәсіптік білім беру жүйесінің жаңа формациядағы педагогі/«Кәсіпқор» холдингі» коммерциялық емес ақционерлік қоғамы Кәсіптік білім беру орталығы 01.07.2016ж №1440;

 

 

Сандибаева Светлана Насыровна – сырттай бөлім меңгерушісі

 1995 жылы Алматы технологиялық институтының «Агроөнеркәсібі салаларының экономикасы және менеджменті» факультетін инженер-экономист біліктілігі бойынша бітірген; 2011 жылы Халықаралық Бизнес Университетінің ғылыми педагогикалық бағытта «Мемлекеттік және жергілікті басқару» мамандығы бойынша академиялық магистр дәрежесі берілген.

Алғашқы еңбек жолын 2005-2007 жылдары Алматы экономика және статистика  Академиясының Ақтөбе филиалында оқытушы, 2007-2013 жылдары Қ.Жұбанов атындағы Ақтөбе Мемлекеттік Университетінде оқытушы, 2014-2016 жылдары осы колледжде арнайы пән оқытушысы, 2016 жылдан бастап сырттай бөлімде, бөлім меңгерушісі қызметтерін атқарып келеді..

Қазіргі таңда жалпы еңбек өтілі – 13 жыл, колледждегі еңбек өтілі – 4 жыл.

Негізгі жетістіктері:

«Кәсіпкерлік қызмет негіздері» факультатив курсына арналған әдістемелік құрал (Маңғыстау облыстық техникалық және кәсіптік білім берудің оқу-әдістемелік кабинеті, 2011).

Оқытушының педагогикалық қызметінің нәтижелері:

2018 жылы Маңғыстау облыстық білім басқармасының «Берекелі елдігіміз бен бірлігіміздің нығаюына және өскелең ұрпаққа білім мен тәрбие берудегі қосқан еңбегі үшін Алғысымен  марапатталды.

 

 1

Баранкова Вера Ивановна – кітапхана меңгерушісі