Жастар комитетінің жұмыстары

   Егемендігімізді алып, өркениеттілікке құлаш сермеген бүгінгі таңда адамгершілігі мол, сапалы да салауатты ұрпақ тәрбиелеуде халықтық тәрбиенің алатын орны ерекше.

   Жастарды Отанын сүйетін патриот, жоғары адамгершілік иесі, ұлттық рухы биік парасатты азамат етіп тәрбиелеу үшін оларға ұлттық тәрбие қажет екенін өмірдің өзі-ақ көрсетіп отыр

   Ұлттық тәрбие жөнінде ұлы бабамыз Әбу Насыр әл Фараби: «Адамға ең бірінші білім емес, тәрбие берілуі керек, тәрбиесіз берілген білім – адамзаттың қас жауы» деген болатын.

   Халқымыздың сан ғасырлар бойы ұстанған ұлттық салт-дәстүрлер мен рухани құндылықтарын әлем елдерінің озық дәстүрлері мен озық тәрбие үлгілерімен байытып, жаңа тәрбие тұжырымдамалары жасалуда. Осы арқылы білім беру ісі мен ұлттық тәрбие бірлігіне қол жеткізіп, жаңа ғасырдың жаңа сипаттағы интеллектуалды ұрпағын қалыптастыру ісі басты мақсатымыз болып отыр.

  Оқу жылы басында қыркүйек айында колледждегі өзін-өзі басқару ұйымының жоспары жасақталып, сол жоспар негізінде мәдени –көпшілік жұмыстар ұйымдастырылды. Өзін- өзі басқару ұйымы қайта сайланып, топ басшыларына тапсырмалар берілді. Әр топ басшыларынан топ студенттерінің  әлеуметтік жағдайлары мен топтағы өнерлі студенттерді анықтау мақсатында сауалнамалар алынды.   

   8-14 қыркүйек аралығында «Отан отбасынан басталады»  тақырыбында апталық ұйымдастырылып, іс-шаралар жоспары жасақталып бекілді. Аталмыш жоспар бойынша колледжде студенттер арасында 10 қыркүйек күні жас қаламгерлер арасында «Менің отбасым» атты шығармалар мен өлеңдер сайысы өткізілді.  Онда 14 студент бағын сынап, сайыс қорытындысында, 1-орынды ақындығымен көзге түсіп, 1СНГП тобының студенті - Ерсұлтанов Аян жеңіп алса, 2-орынды 1ЭБУ тобының студенті Мұқанбетова Жансая, 3-орынды Таңжанов Расулбек иеленді, ал қаламгерлігімен оқырман көңілінен шығып, 1-орынды 1МП-0911 топ студенті Дунесов Нұркелді жеңіп алды, 2-орныды Тулепова Арайлым, 3- орынды Қараманова Ләззат пен Бекмұратов Сыйлыбайлар бөлісті. Басқа қатысқан студенттердің барлығына алғыс білдірілді.

   11 қыркүйек күні 1ПНиГ-14Б тобы студенттері арасында «Отбасыдан қымбат не болуы мүмкін?» тақырыбымен психологиялық тренингтер мен пікірталасты колледж психологі Утешова Гүлмира ұйымдастырып, топ студенттері отбасы туралы түсініктерін ортаға салып, өз ойларымен бөлісті. Отбасындағы ата-ананың рөлі туралы, отбасындағы әкелердің орны мен беделі туралы, отанасының мейірімі туралы ой қозғап, әр түрлі мақалдар айтылды. Өз ойларын білдіруде көпшілік алдында тартынбай сөйлейтін студенттер Серікбаев Марлен, Смагулов Ерманас, Асаров Әліби ұстаздар ықыласына бөленді.

    12 қыркүйек күні 2 курс студенттері мен топ жетекшілерінің арасында «Мен және топ жетекшім» атты эстафеталық спорттық сайыс ұйымдастырылды. Оған 4 топ қатысты, Олар: «Жасұлан», «Қыран», «Сұңқар»  «Достық» топтары. Сайыс қорытындысында І орынды «Қыран» тобы, ІІ орынды «Сұңқар» тобы, ІІІ орынды «Достық» тобы иеленді. Сайыскерлерге  мақтау қағаздары мен медальдар тапсырылды.

   «Қазақстан халықтары тілдері» фестиваліне орай колледжішілік «Ана тілі – жүрек үні» тақырыбында мәнерлеп оқу сайысы ұйымдастырылып, оған 1 курс студенттері арасынан 16 студент қатыстырылды.  Сайыс қорытындысында 1ЭВТо/б- 14б тобының студенті Қосанов Темірхан үздік деп танылып, «Бас жүлдені» жеңіп алса, 1СНГП-14б тобының студенті Ерсұлтанов Аня 1-орын, 1МП-0911 тобының студенті Ануарбеков Исламбек 2-орын, 1АТП-14б тобының студенті Жолдас Қуаныш 3-орындармен марапатталды. Бірнеше студенттерге қатысқаны үшін алғыс хаттар тапсырылды.

   Қазан айының 22-сі күні ақиық ақын Т.Айбергеновтің шығармаларынан «Біргемін мен сендермен» тақырыбында көркемсөз оқу шеберлерінің байқауы ұйымдастырылып, оған 1-2 курс студенттерінен 27 студент қатысты. Бұл шараға қаламыздың құрметті азаматы, ақын – Байбазар Ербақы ағамыз шықырылып, жастарға үлгі-өсиеті мен ақындық жолда жүрген студенттерімізге ақ батасын берді. Телеарнадан да түсіріліп, қалалық телеарнадан көрсетілді. Аталмыш шара туралы «Жаңаөзен» газетіне 2 курс студенті Жұмабаев Айдос мақаласын берді.    

   Қала көлемінде өткен «Жігіт сұлтаны – 2014» байқауына 1ТХНГ-14б тобының студенті Алибаев Заманбек қатысып, 1-орынмен марапатталды.  

   Қала көлемінде өткен «Арайлы алтын күз» атты күзгі бал байқауына колледж студенттерінен құрылған топ  қатыстырылып, байқау қорытындысында 2-орынды жеңіп алды.

   30 қазанда қалалық мәдениет және тілдерді дамыту бөлімінің ұйымдастыруымен өткен «Би өнері – биік өнер» атты жас бишілер байқауына 4ТХ-11б тобының студенті Сұңғатов Берік, Султанов Сүндет, Базарбаева Жанар, Қаржауова Мөлдір («Дарын» тобы) қатысып, жүлделі І орынды жеңіп алды.     

  Колледж студенттерінен «Студенттер» жайдарман тобы құрылды. Олар: Ерсұлтанов Аян – 1СНГП-14б тобының студенті, Оңайбаев Бисұлтан – 1ТХ-14б тобының студенті, Алибаев Заманбек – 1ТХНГ-14б тобының студенті, Бесмағанбетова Айдана –  1ДП -14б тобының студенті.  Аталмыш топ:

1. Қазан айында Жаңаөзен қаласының «Әдебиет» маусымашарна қатысты. Іріктеуден өтіп, 1/8 финалына өнер көрсетуге мүмкіндік алды.  
2. Желтоқсан айының 22-жұлдызында 1/8 финалынан өнегелі өнер көрсетіп, ширек финалына жолдама алды. ширек финалынан жартылай финалына жолдама алды.
3. 13 наурызда Ақтау қаласында өткен Маңғыстау облыстық ашық чемпионаты «Тарих» маусымына қатысып, көрермен ықыласына бөленіп, ширек финалға жолдама алды.  Ширек финалы 27 мамырда өткізіліп, жартылай финлына жолдама алды. 

   Жаңаөзен Мұнайының 50 жылдығы аясында өткен қалалық «Ретро» әндер байқауына 4ОГХ тобының студенті Абдуллаева Гаухар мен 3ЭВТ-12б тобының студенті Худенов Бағдат қатысып, байқау қорытындысында Абдуллаева Гаухар жүлделі 2-орынды қанжынғасына байлады.  

   17 қараша – Халықаралық студенттер күніне орай қала көлемінде өткен «Қызықты көңіл, студенттік өмір» атты байқауына колледж студенттерінен құрылған көркемөнерпаздар қатысып, 2- орынмен марапатталды. Жекелеген  студенттер ән айту бойынша 2ТХ-13б – тобының студенті Бөпешов Оразалы мен 1ЭВТо/б-14б тобының студенті – Қосанов Темірхан 2-дәрежелі дипломдармен марапатталды. Би өнері бойынша 2ТН-13б тобының студенті Джумаев Айтқали 3- дәрежелі дипломмен марапатталса,  Алибаев Алтынбек, Алибаев Заманбек, Қонаров Наурыздар алғыс хаттармен марапатталды.

    25.11.14 ж күні Қоғам қайраткері, қазақтың көрнекті ақыны, Мемлекеттік сыйлықтың лауреаты,  Қазақстан Халық жазушысы – Фариза Оңғарсынованың 75 жылдық мерей тойына орай облыс көлемінде өткен «Өлең, мен сені аялап өтем» тақырыбындағы көркемсөз оқу шеберлерінің байқауына Жұмабаев Айдос –2МП-0911-13Б, Ерсұлтанов Аян – 1СНГП-14Б, Жолдас Қуаныш – 1 АТП-14Б, Қожикова Ұлболсын, Кулданова Оразгүл – 1ЭБУ-14Б қатысып, алғыс хаттармен марапатталды.

Желтоқсан айында Маңғыстау облыстық тілдерді дамыту жөніндегі басқармасының ҚР Тұңғыш Президентінің өмір жолын үлгі ете отырып, жастарды Отанын, халқын сүюге тәрбиелеу мақсатында ұйымдастырылған «Менің Президентім» тақырыбында өткен шығарма жазу байқауында 2ТХНГ-13б тобының студенті Тобагулов Абусалим 3- орынды жеңіп алды. Жетекшілік еткен қазақ тілі мен әдебиеті пәнінің оқытушысы Нұрғали Гүлзипа.  

    ҚР Тәуелсіздік күніне орай «Тәуелсіздік тұғырым» атты облыстық жас ақындар мүшәйрасында 3ТХНГ-12б тобының студенті Алибаев Алтынбек Бас жүлдені иеленді.

   Қазан айында Ақтау қаласында өткен «Жасыл ел» еңбек жасақтарының пікірсайысына Алибаев Алтынбек, Қалиева Айсұлу, Өмірзақова Гүлхан, Жолдасбаева Тұрсынай  қатысып, өз пікірлерін ортаға салып, нақты дәлелдер келтіре сөйлеп, өзінің ұстанған пікірін көпшілікке мойындатып, үздік спикерлер атанды. Әр түрлі сыйлықтармен, дипломдармен марапатталды.

   14-15 қараша күндері О. Тұрмағанбетұлы атындағы Жаңаөзен мұнай және газ колледж директорының пікірсайыстан кубогі өтіп, аталмыш сайысқа Ақтау қаласы мен  облыс көлемінен белсенді пікірсайысшылары қатысты, сайыс қорытындысында Жаңаөзен мұнай және газ колледжнің тобы 1-орынмен марапатталып, бағалы сыйлықтар алды. 

   5 ақпан күні қала көлемінде өткен «Жаңаөзен» газетінің 25 жылдығына орай ұйымдастырылған ақындар мүшәйрасына Алибаев Алтынбек, Дунесов Нұркелді, Ерсұлтанов Аян, Жұмабаев Айдостар қатысып, өз өлеңдерін көпшілік назарына ұсынды. Мүшәйра қорытындысында Алибаев Алтынбек 2-орынға ие болды.

   Республика көлемінде өткен Мұқағали оқуларына 3ТХНГ-12б тобының студенті Алибаев Алтынбек қатысып, 3-орынды қанжығасына байлап қайтты.

   Ұлы Жеңістің 70 жылдығына орай 4 сәуір күні «Табиғатты аялайық!» атты жалпықалалық сенбілік ұйымдастырылып, онда «Ауған соғыс ардагерлері» саябағына 70 тал отырғызу жұмыстарында колледж студенттері белсенділік көрсетті.

   Қазақстан Республикасы Білім және ғылым министрлігі мемлекеттік әлеуметтік тапсырыс шеңберінде  «Жеңіс жолдарымен» халықаралық жастар шығармашылығы фестиваліне 2ДП-13Б тобының студенттері қатысып,  1-орынды жеңіп алды.  

   Бүгін де өзгелермен тереземіз теңесіп, өркениетті елдер қатарынан көрініп келе жатқан біз үшін ұлттық дәстүрімізді терең меңгеріп, ұлттық болмысымызды сақтап қалу өте қажет. Сондықтан еліміздің болашағын тәрбиелеп, білім нәрімен сусындатып отырған ұстаздар үшін бұл ең басты міндет.